info@diasporaofalbania.com
info@diasporaofalbania.com
Për liri, drejtësi dhe dinjitet. Kur qytetarët bashkohen, Shqipëria ndryshon.
Misioni ynë
Ne jemi një nismë qytetare e krijuar nga diaspora shqiptare, e angazhuar për përfshirjen aktive të mërgatës në proceset politike dhe vendimmarrëse në Shqipëri.
Bashkohu me ne
Bëhu pjesë e një zëri qytetar që angazhohet për drejtësi, demokraci dhe pjesëmarrje aktive në vendimmarrjen për të ardhmen e Shqipërisë.
Kontribuo
Mbështet angazhimin qytetar për drejtësi, demokraci dhe një Shqipëri më të përfaqësuar dhe më të drejtë për të gjithë.
Reagimet dhe ndërveprimet
Aleatët tanë
Na kontaktoni
Na shkruani për një pyetje, një ide apo thjesht një përshëndetje. Le të ndërtojmë bashkë diçka më të mirë për Shqipërinë.
DEKLARATË PUBLIKE E DPSHL-së
Për zbatimin e vendimit të Gjykatës Kushtetuese dhe mbrojtjen e pavarësisë së gjyqtarëve dhe prokurorëve!
Diaspora për Shqipërinë e Lirë shpreh mbështetjen për gjyqtarët dhe prokurorët shqiptarë në kërkesën e tyre për respektimin e garancive kushtetuese dhe zbatimin e vendimit nr. 15, datë 17.02.2026, të Gjykatës Kushtetuese. DPSHL dënon mosrespektimin e afatit të përcaktuar nga Gjykata dhe çdo përpjekje për ta relativizuar detyrimin e zbatimit të këtij vendimi përmes retorikës politike apo ndërhyrjeve ligjore që shmangin përmbushjen e tij.
Vendimet e Gjykatës Kushtetuese janë përfundimtare dhe të detyrueshme. Zbatimi i tyre nuk varet nga pëlqimi i qeverisë, vullneti i shumicës parlamentare apo popullariteti i çështjes në opinionin publik. Kuvendi ka të drejtë të zgjedhë mënyrën e rregullimit të pagave, por këtë kompetencë duhet ta ushtrojë brenda Kushtetutës dhe në përputhje me vendimin e Gjykatës.
Afati i 31 korrikut 2026 ishte detyrim për të vepruar, jo rekomandim politik.
DPSHL dënon retorikën populiste të Kryeministrit Edi Rama në këtë debat, veçanërisht paraqitjen e mbrojtjes së pagave të magjistratëve si një kërkesë që duhet gjykuar vetëm përmes krahasimit me të ardhurat e kategorive të tjera.
Vështirësitë ekonomike të qytetarëve kërkojnë politika serioze dhe përgjegjësi qeverisëse. Ato nuk mund të përdoren për të vënë publikun kundër gjyqtarëve dhe prokurorëve apo për të zbehur autoritetin e një vendimi kushtetues.
Mbrojtja e pagës sipas nenit 138 të Kushtetutës i shërben pavarësisë së drejtësisë. Ajo synon të pengojë përdorimin e trajtimit ekonomik si mjet ndikimi mbi ushtrimin e detyrës ndaj gjyqtarëve dhe prokurorëve. Kjo mbrojtje, me përjashtimet që vetë Kushtetuta parashikon, është e lidhur drejtpërdrejt me interesin e qytetarit për gjyqtarë dhe prokurorë që veprojnë pa frikë nga pasojat politike apo financiare.
Për këto arsye, DPSHL kërkon:
1. Zbatimin pa vonesa të mëtejshme të vendimit të Gjykatës Kushtetuese, në tërësinë e arsyetimit dhe urdhërimeve të tij.
2. Përllogaritjen transparente të prapambetjeve dhe përcaktimin e një plani konkret financimi e shlyerjeje, në përputhje me vendimin dhe detyrimet e ekzekutueshme.
3. Shqyrtimin dhe rishikimin e projektligjit përmes konsultimit efektiv, duke garantuar respektimin e detyrimeve të lindura dhe mekanizma që parandalojnë ngrirjen e pagave.
4. Ndërprerjen e retorikës denigruese dhe të presionit politik ndaj magjistratëve, duke e kthyer debatin te argumentet juridike dhe të dhënat e verifikueshme.
5. Garantimin e funksionimit të gjykatave dhe prokurorive, përfshirë pagesën në kohë të detyrimeve të ligjshme ndaj magjistratëve dhe administratës, në mënyrë që qytetarët të mos mbajnë pasojat e konfliktit institucional.
Mbështetja për pavarësinë e magjistratëve shkon bashkë me kërkesën për integritet, transparencë dhe drejtësi brenda një kohe të arsyeshme. DPSHL i konsideron këto përgjegjësi të pandashme nga garancitë që mbrojnë ushtrimin e detyrës së tyre.
Shteti që kërkon nga qytetari respektimin e ligjit duhet të jetë i pari që zbaton vendimet gjyqësore. ... See MoreSee Less
Një shkrim nga Bernardo Stambolliu, anëtar i Diaspora për Shqipërinë e Lirë.
Tukididi: Të fortët bëjnë atë që munden, ndërsa të dobëtit vuajnë atë që duhet.
Këtë gjë na mësoi sot Gjykata Speciale politike e Hagës, nënshtrohu se je i dobët.
81 vite burg për krerët e UÇK-së, pak janë, nënshtrohu se je i dobët.
Vijnë të sulmojnë vendin tënd, të djegin shtëpinë, të vrasin burrat, gratë dhe fëmijët, nënshtrohu se je i dobët.
Drejtësi për shqiptarët nuk ka, nënshtrohu se je i dobët.
Këtë gjë na mësoi sot Gjykata Speciale politike e Hagës, nënshtrohu se je i dobët.
Vendimi i sotëm është më i keq se gjithë aktet barbare që janë bërë në Kosovë, është rruga drejt nënshtrimit të një kombi se është i dobët.
Largohu nga vendi yt, lëre pasaportën tënde, nuk të duhet, je i dobët sepse po të vish të mbrosh dhe të luftosh për vendin tënd do të dënohesh, do të nënshtrohesh, kaq.
Por një gjë është e sigurt, i keni bërë llogaritë gabim sepse edhe nëse na dënon, edhe nëse na asimilon, na heq pasaportën, na dëbon, na vret, ne kurrë nuk do të bëhemi egërsirat që ju dëshironi.
Ky dënim qesharak i Gjykatës Speciale, kënaq vetëm kundërshtarët politikë të Kosovës që nuk e duan të lirë atë dhe politikanët shqiptarë që janë pro kësaj gjykate.
Asnjë familje shqiptare nuk do e pranojë, hekurat tuaj kurrë nuk do na burgosin, liria gjendet në mendjen dhe shpirtin e çdo shqiptari, e ne kurrë nuk do të reshtim së kërkuari atë, qofshim apo jo të dobët.
#diasporareagon ... See MoreSee Less
Sot jemi te gjithe me syte nga Haga!
Shpresojme e besojme ne nje vendim te drejte per Shqiptaret!
Askush nuk mund te njollose luften per çlirim e Kosoves ❤️ ... See MoreSee Less